Kim Jong-un: Koreja e Veriut po përballet me trazira për shkak të Covid-19

10:23 | 14 Maj 2022
Trina Galanxhi

Lideri i Koresë Veriore, Kim Jong-un e ka përshkruar përhapjen e koronavirusit si një ndër trazirat më të mëdha me të cilat po përballet vendi që nga themelimi i tij, raportuan mediat shtetërore.

Agjencia Qendrore Koreane e Lajmeve (KCNA) tha se 21 persona kanë humbur jetën si pasojë e koronavirusit dhe rreth 174,400 kanë simptoma të etheve për shkak të virusit, transmeton portal arbresh.info

Korea Veriore e ka konfirmuat të premtën vdekjen e saj të parë nga koronavirusi që nga fillimi i pandemisë.

Rreth 187,800 njerëz janë duke u karantinuar dhe trajtuar pas përhapjes së shpejtë të etheve që nga fundi i prillit, sipas KCNA.

Vendi, i cili është përballur me sanksione ekonomike ndërkombëtare për programet e tij bërthamore dhe raketore balistike, besohet të jetë i prekshëm ndaj sëmundjeve infektive për shkak të mungesës së ushqimeve dhe furnizimeve mjekësore./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm